Fréttir frá Hlíðarskóla.


Vegna þeirra aðstæðna sem skapast hafa í samfélaginu þá munu markmiðs og foreldrafundir fara rafrænt fram í gegnum Teams. Í dag voru fyrstu rafrænu markmiðsfundirnir og gengu þeir mjög vel. Foreldrar fá fundarboð frá Maríu fjölskylduráðgjafa með tölvupósti. Til þess að þetta gangi þarf að hlaða niður Teams „appi“ í síma eða í tölvu 😊
Búið er að ráða starfsmann í staðinn fyrir Gunnar Smára, en hann heitir Anton Björn Christensen og byrjaði hann í morgun, við bjóðum hann að sjálfsögðu velkominn.
Eins og komið hefur fram áður er starfsdagur í Hlíðarskóla 21.10. og haustfrí 23.10 -24.10. Nemendur koma aftur í skólann mánudaginn 26.10.
María Hensley

Samnorrænt verkefni

Nemendur Hlíðarskóla og Glerárskóla eru þessa dagana að vinna i samnorræna verkefninu “ Norden for alle“ þar sem unnið er með ýmis umhverfismál eins og t.d. endurvinnslu, loftlagsmál og græna orku. Allir stóðu sig afar vel og verður spennandi að fylgjast með þessu verkefni sem lýkur í janúar 2019 með 3ja daga margmiðlunarfundun milli allra Norðurlandanna.

Nemendur á elsta stigi kynna sé starfsemi Gámaþjónustunnar.